Ribotohet Gjurmët LP

Gjurmët LP, për ata që nuk kanë pasë rast ta lexojnë më herët,  asht memoar i Migjen Kelmendit mbi bendin Gjurmët dhe vietet ’80 n’Kosovë. Ky libër i vogël asht dëshmi në vetë të parë që në mënyrë elegante shpalosë jo vetëm veprimtarinë e bendit por t’gjithë kontekstin socio-politik të kohës duke ofru nji perspektivë shumë shtresore mbi atë se çka ishte të qenit i ri dhe shqiptar në Jugosllavi.  Edicioni i dytë vjen me dizajn të ri përfshi këtu edhe fotografi shtesë dhe kopertinë të fortë. Prej tash e tutje libri gjendet në raftet tona dhe kushton 15 euro.

Foto: Jetmir Idrizi

Homecoming i Nesim Maxhunit | Promovim Albumi

Nesim Maxhuni  asht pioner i stileve muzikore modenre në skenën mbarë shqiptare. Jazz, neo soul, gospel, hip hop janë vetëm disa prej zhanreve ku ai me komoditet noton. Asht baterist i rangut botënor dhe bashkëpunëtor në shumë albume prestigjoze vendore, kështu duke reprezentu nji prej influencave kryesore të muzikës së re shqip sot. Maxhuni ka botue dy albume në pesë vjetët e fundit, Homecoming asht albumi i tij i tretë me materiale origjinale i cili përbahet prej nji ekipe ndërkombëtare dhe shënon nji bashkëpunim unik në mes të Prishtinës dhe New York’ut. Homecoming do të promovohet me 18 shkurt 2017 në ora 20.00 në ASK (Shkolla Amerikane e Kosovës) – hajdeni ta ndëgjojmë këtë konstalacion të gjenive!

Jure Pukl – saksafon | Marko Crncec – piano | Armend Xhaferi – gitare | Kiril Tufekcievski – bas | Nesim Maxhuni – bateri

Publikohet Kosoveira | Album & film

Ishte vjeti 2015 kur për herë të parë e takuem Luis Panichellin, nji performer të Capoeira’s, i cili në atë kohë bante jetë dhe punë në Prishtinë. Nuk shkoi shumë dhe artistë prej skenave e udhëve t’ndryshme t’jetës iu bashkangjitën atij në nji shtegtim ku muzika tradicionale e vendit takoi Capoeira’n dhe në flirtim e sipër sollën në jetë nji album briliant – KOSOVEIRA.

L’shoja nji sy këtij dokumentari të shkurtë dhe shijo procesin e gatimit të albumit Kosoveira!

Visar Kasa | Koncert

Të ejtën në mramje, rikthehet në Dit’ e Nat’ një prej kantautorëve ma të dashtun këndej pari: Visar Kasa.
Kësaj here Visari po e sjellë me veti eksperiencën që e ka akumulu si student në Konservatoriumin e Vienës si kantautor dhe kompozitor i pop-muzikës.
Ai ka me e këndu setin “Shadows”, të cilin e ka zhvillu gjatë qëndrimit të tij në Vienë, e i cili përbahet prej kangëve të reja e të padëgjume ma herët në Kosovë. Për me i pasunu tingujt e kangëve të tij, Visari e ka ftu Granit Paçaradën në tupana.
Natën ka me e hapë kantautorja e re e me plot talent Elena Kabashi e cila ka me e performu nji set të shkurtër akustik.

Koncerti mbahet me 4 gusht n’orën 8.30, shihemi. 

visar kasa

Elizabeth Acevedo performon SLAM sonte!

ELIZABETH ACEVEDO asht poete prej New York’ut puna e së cilës asht ushqye me boleron e prindve të saj me origjinë nga shteti Domenikan dhe mprehtësinë e ashpër të qytetit që e ka rritë.
Me nji eksperiencë performimi dymbëdhjetë vjeçare ajo i ka dhanë shije skenave të ndryshme në vend dhe ndërkombëtarisht përfshi këtu edhe Lincoln Center, Madison Square Garden, Kennedy Center of the Performing Arts dhe South Africa’s State Theatre. Acevedo asht gjithashtu e njoftun për video poezi të cilat patën nji shpërndarje masive virale dhe kështu ranë nën radarinPBS, Latina Magazine, Cosmopolitan dhe Upworthy.
Acevedo  asht kampione nacionale në Slam poezi, gjithashtu kampinone e Beltway Grand Slam dhe 2016Women of the World Poetry Slam si reprezentuese e Washington, D.C, ku për momentin jeton dhe punon.
Poezitë e saj u publikuen në Puerto Del Sol, Callaloo, Poet Lore, The Notre Dame Review dhe të tjera

Sonte ajo performon në librarinë tonë në ora 18.00. Shihemi!

Elizabeth-Acevedo-3

Karrigat riaranzhohet nga Oborri & Taste 2

“Karrigat” asht kangë që u shkru në fillim të viteve ’80 nga bendi legjendar i Prishtinës – Gjurmët. Redaktorët (cenzorët) televiziv të kohës ndaluan incizimin e kësaj kange me arsyen se ishte politikisht e motivueme. Gati tridhjetë e pesë vjet ma vonë Oborri & Taste 2 ia dhanë kësaj kange nji shansë të re tue e riaranzhu dhe shkru tekst të ri.

Ne si dit’ e nat’ mburremi që mbëshetetëm këtë projekt. Shpresojmë të kënaqeni me videon!

Gent Rushi Trio kët’ t’premte

Gent Rushi asht nji prej pionierëve të jazz-it në Shqipni. Së fundmi me shokët e tij krijoi big bendin e parë të pamvarun shqiptar -JAlbaniaZZ Society.
Të premten vjen me të pandashmin & të shkëlqyeshmin Ermal Rodi në Dit’ e Nat’, ku i pret Enes Beu – nji prej të vetmëve që asht në gjendje m’e i dalë në krye kësaj detyre.
Ky koncert intim asht shumë i veçantë edhe për nji arsye – ditëlindja e shtatë e kafe-librarisë tonë!

Shihemi t’premten, kemi sebepe t’bukura për me u mbledhë!

gent-rushi

KOSOVEIRA – Koncerti i fundit

Koncerti i fundit Capoeira për sivjet mbahet të mërkurën – rasti i fundit me dëgju Luisin live e me u ba pjesë e projektit KOSOVEIRA! Koncerti fillon me nji solo performansë frymëzuse në oud prej mysafirit tonë special – Astrit Stafai. Përveç kangëve që tash p’i dijmë e dojmë (NINO NINO NINO NOOOO!), kanë me u përformu disa kangë të reja prej albumit në pritje – KOSOVEIRA.

KOSOVEIRA asht nji projekt që përzinë muzikën Capoeira me elemente të muzikës Kosovare. Në krye me Luis Panichellin, në album marrin pjesë Arbër Salihu, Astrit Stafai, Kafu Kinolli, Ilir Bajri, Shaqir Hoti, Tefik Manaj e Visar Kuçi. Nëse ju pëlqen projekti e keni qejf me kontribu, mundëni me ba donacion gjatë koncertit ose online në Indie Gogo. Mysafirë tjerë: Bardh Salihu, Blerta Kosova, Drin e Lum Tashi, Julian Kuçi.

Për ma shumë info mbi projektin:
https://www.indiegogo.com/projects/kosoveira-music-capoeira-meets-kosovo/

KOSOVEIRA

Holly & Ken // Koncert

Nji ditë, krejt rastësisht, Holly & Ken u takuen n’airoport. Katër vjet ma vonë, ajo i dërgoi kopjen e albumit të saj Maps and Lists (Harta dhe lista). Keni i shkroi menjiherë: “Albumin yt koka shumë i mirë! A je tu’ ba diçka t’re?” Holly i iu pergjigj diçka si “Plot sende!”. Luejten disa koncerte bashkë dhe gati si tu’ dashtë me provoku guximin saj ai propozoi: “Hajde ta incizojmë nji album country n’Francë!”.

Holly & Ken, The Record asht nji album konceptual – indie operë country – homazh mbi Willie Nelson’s dhe albumin e tij klasik të vitit 1975 – Red Headed Stranger (I hueji kokëkuq).
Ata do të luejnë këtë material në dit’ e nat’ të mërkuren (20 Janar) në ora 21.00.

*Ky koncert asht me bileta, për ti ble ato dhe rezervu vende na kontaktoni në Facebook.

11c_dc

Holly Muñoz (aka HOLLY) asht kantautore prej El Paso, Teksas. Solo albumi i saj debutues Maps and Lists u prodhu prej producentit John Vanderslice në kuadër të Tiny Telephone në San Francisko, Kaliforni. Ajo ka performu në studion e njoftun KEXP’s Afternoon Show me DJ Kevin Cole dhe muzika e këtij albumi asht përzgjedhë për playlistat e Starbucks në mbarë botën.

Ken Stringfellow asht i njoftun si themelues i The Posies, gjithashtu njihet për punën e tij në studio dhe skenë për bendet si R.E.M., Big Star. Ai ka botu katër albume, gjithcili prej tyne ka marrë kritika shumë të mira prej Pitchfork, Mojo – platforma mediale të randësishme për skenën e pamvarun. Albumi i tij i fundit Danzig in the Moonlight u publiku në vitin 2012.

Pusho në paqe Starman

Ishte vjeti 2013 kur pas nji pauze relativisht të gjatë “The Next Day” i David Bowie’t u publiku. Si zakonisht, ishte material freskues, i pasun dhe vet-referencial. Singli i parë “Where Are We Now” e thirrke t’kaluemen, sidomos vitet e Bowie’t n’Berlin me t’cilat inovacioni, politika dhe dashunia hyjnë në lojë natyrshëm. Disa muej ma vonë në vitin 2013 ky kthim inspiroi nji koncert në dit’ e nat’ prej Genc dhe Arbër Salihut (dhe artistëve të tjerë) i cili iu dediku punës së  Bowie’t prej periudhave të ndryshme.
Sot mësuem se Starman na la por jemi t’lumtun që regjistruem kët’ performancë e cila shënon qenjen tonë.

Pusho n’paqe David Bowie, fameniderit për vizitën!

Knaquni me Prishtina’s David Bowie Tribute ♥

david