Elizabeth Acevedo performon SLAM sonte!

ELIZABETH ACEVEDO asht poete prej New York’ut puna e së cilës asht ushqye me boleron e prindve të saj me origjinë nga shteti Domenikan dhe mprehtësinë e ashpër të qytetit që e ka rritë.
Me nji eksperiencë performimi dymbëdhjetë vjeçare ajo i ka dhanë shije skenave të ndryshme në vend dhe ndërkombëtarisht përfshi këtu edhe Lincoln Center, Madison Square Garden, Kennedy Center of the Performing Arts dhe South Africa’s State Theatre. Acevedo asht gjithashtu e njoftun për video poezi të cilat patën nji shpërndarje masive virale dhe kështu ranë nën radarinPBS, Latina Magazine, Cosmopolitan dhe Upworthy.
Acevedo  asht kampione nacionale në Slam poezi, gjithashtu kampinone e Beltway Grand Slam dhe 2016Women of the World Poetry Slam si reprezentuese e Washington, D.C, ku për momentin jeton dhe punon.
Poezitë e saj u publikuen në Puerto Del Sol, Callaloo, Poet Lore, The Notre Dame Review dhe të tjera

Sonte ajo performon në librarinë tonë në ora 18.00. Shihemi!

Elizabeth-Acevedo-3

ERDHLEZETI! Festival 2016

*PROGRAMI I PLOTË

Edicioni i dytë i ERDHLEZETI! Festival mbahet të dielën me 22 Maj në rrugë para Dit’ e Nat’, në parkingun përballë. Kjo asht nji festë që i dedikohet muzikës, ndrrimit të stinëve dhe sidomos ardhjes së verës; birra, skara dhe dashnija janë ingredientet tjera përbamëse.

Festa fillon në orën 14.00 dhe zgjatë deri në mesnatë. Këtë herë do të performojnë:

14:00 – 16:00 – Roots Raid (Tirana, AL)
16:00 – 18:00 – Nezafete Shala & Grupi Melodia e Vjetër (Gjakova, RKS)
18:00 – 19:00 – Oborri (Prishtina, RKS)
19:00 – 20:30 – Toni Kitanovski & Cherkezi Orchestra (Skopje, MK)
20:30 – 22:00 – Gipsy Groove (Prishtina, RKS)

Biletat janë në shitje (3€ në Dit’ e Nat’ ose 5€ te hyrja në ditën e festivalit).

erdhlezeti

Dita Ndërkombëtare e Jazzit // Armend Xhaferi Kuintet

Prishtina gjithmonë e ka bajtë nji jazz mrenda i cili ka pasë nevojë për veç pak ujitje dhe ka lulëzu. Dy dekadat e fundit kanë prodhu gjenerata të jashtëzakonshme të cilat kombinojnë me shumë inovacion stile dhe perspektiva mbi këtë muzikë të vjetër e të randësishme.
Meqë Dita Ndërkombëtare e Jazzit po afrohet, kemi vendosë të ftojmë veteranët e Prishtinës në këtë diciplinë – bashkangjituni këtë të shtune (30 Prill, ora 21.00) të mirëpresim Armend Xhaferi Kuintet dhe t’festojmë ditën tonë!

xhafa

Karrigat riaranzhohet nga Oborri & Taste 2

“Karrigat” asht kangë që u shkru në fillim të viteve ’80 nga bendi legjendar i Prishtinës – Gjurmët. Redaktorët (cenzorët) televiziv të kohës ndaluan incizimin e kësaj kange me arsyen se ishte politikisht e motivueme. Gati tridhjetë e pesë vjet ma vonë Oborri & Taste 2 ia dhanë kësaj kange nji shansë të re tue e riaranzhu dhe shkru tekst të ri.

Ne si dit’ e nat’ mburremi që mbëshetetëm këtë projekt. Shpresojmë të kënaqeni me videon!

Gent Rushi Trio kët’ t’premte

Gent Rushi asht nji prej pionierëve të jazz-it në Shqipni. Së fundmi me shokët e tij krijoi big bendin e parë të pamvarun shqiptar -JAlbaniaZZ Society.
Të premten vjen me të pandashmin & të shkëlqyeshmin Ermal Rodi në Dit’ e Nat’, ku i pret Enes Beu – nji prej të vetmëve që asht në gjendje m’e i dalë në krye kësaj detyre.
Ky koncert intim asht shumë i veçantë edhe për nji arsye – ditëlindja e shtatë e kafe-librarisë tonë!

Shihemi t’premten, kemi sebepe t’bukura për me u mbledhë!

gent-rushi

KOSOVEIRA – Koncerti i fundit

Koncerti i fundit Capoeira për sivjet mbahet të mërkurën – rasti i fundit me dëgju Luisin live e me u ba pjesë e projektit KOSOVEIRA! Koncerti fillon me nji solo performansë frymëzuse në oud prej mysafirit tonë special – Astrit Stafai. Përveç kangëve që tash p’i dijmë e dojmë (NINO NINO NINO NOOOO!), kanë me u përformu disa kangë të reja prej albumit në pritje – KOSOVEIRA.

KOSOVEIRA asht nji projekt që përzinë muzikën Capoeira me elemente të muzikës Kosovare. Në krye me Luis Panichellin, në album marrin pjesë Arbër Salihu, Astrit Stafai, Kafu Kinolli, Ilir Bajri, Shaqir Hoti, Tefik Manaj e Visar Kuçi. Nëse ju pëlqen projekti e keni qejf me kontribu, mundëni me ba donacion gjatë koncertit ose online në Indie Gogo. Mysafirë tjerë: Bardh Salihu, Blerta Kosova, Drin e Lum Tashi, Julian Kuçi.

Për ma shumë info mbi projektin:
https://www.indiegogo.com/projects/kosoveira-music-capoeira-meets-kosovo/

KOSOVEIRA

Holly & Ken // Koncert

Nji ditë, krejt rastësisht, Holly & Ken u takuen n’airoport. Katër vjet ma vonë, ajo i dërgoi kopjen e albumit të saj Maps and Lists (Harta dhe lista). Keni i shkroi menjiherë: “Albumin yt koka shumë i mirë! A je tu’ ba diçka t’re?” Holly i iu pergjigj diçka si “Plot sende!”. Luejten disa koncerte bashkë dhe gati si tu’ dashtë me provoku guximin saj ai propozoi: “Hajde ta incizojmë nji album country n’Francë!”.

Holly & Ken, The Record asht nji album konceptual – indie operë country – homazh mbi Willie Nelson’s dhe albumin e tij klasik të vitit 1975 – Red Headed Stranger (I hueji kokëkuq).
Ata do të luejnë këtë material në dit’ e nat’ të mërkuren (20 Janar) në ora 21.00.

*Ky koncert asht me bileta, për ti ble ato dhe rezervu vende na kontaktoni në Facebook.

11c_dc

Holly Muñoz (aka HOLLY) asht kantautore prej El Paso, Teksas. Solo albumi i saj debutues Maps and Lists u prodhu prej producentit John Vanderslice në kuadër të Tiny Telephone në San Francisko, Kaliforni. Ajo ka performu në studion e njoftun KEXP’s Afternoon Show me DJ Kevin Cole dhe muzika e këtij albumi asht përzgjedhë për playlistat e Starbucks në mbarë botën.

Ken Stringfellow asht i njoftun si themelues i The Posies, gjithashtu njihet për punën e tij në studio dhe skenë për bendet si R.E.M., Big Star. Ai ka botu katër albume, gjithcili prej tyne ka marrë kritika shumë të mira prej Pitchfork, Mojo – platforma mediale të randësishme për skenën e pamvarun. Albumi i tij i fundit Danzig in the Moonlight u publiku në vitin 2012.

Pusho në paqe Starman

Ishte vjeti 2013 kur pas nji pauze relativisht të gjatë “The Next Day” i David Bowie’t u publiku. Si zakonisht, ishte material freskues, i pasun dhe vet-referencial. Singli i parë “Where Are We Now” e thirrke t’kaluemen, sidomos vitet e Bowie’t n’Berlin me t’cilat inovacioni, politika dhe dashunia hyjnë në lojë natyrshëm. Disa muej ma vonë në vitin 2013 ky kthim inspiroi nji koncert në dit’ e nat’ prej Genc dhe Arbër Salihut (dhe artistëve të tjerë) i cili iu dediku punës së  Bowie’t prej periudhave të ndryshme.
Sot mësuem se Starman na la por jemi t’lumtun që regjistruem kët’ performancë e cila shënon qenjen tonë.

Pusho n’paqe David Bowie, fameniderit për vizitën!

Knaquni me Prishtina’s David Bowie Tribute ♥

david

Kampionati Sintor

Ilir Bajri (47) dhe Liburn Jupolli (27) janë pianistë prishtinas që vijnë prej dy brezeve plotësisht të ndryshme mirëpo takohen në eksplorimet e tyne muzikore në shumë nivele; dytë kanë prapavi në muzikë serioze, jazz, rock’n’roll, muzikë eksperimentale dhe dytë janë të dashunuem në minimalizëm.
Këtë t’marte (12 janar) n’ora 21.00 performojnë si duo në instrumentet e tyne t’preferueme – sintisajzera!
Shihemi n’kampionatin e sintave – ka me qenë nxehtë!

iliri jupolli

Rituali i ditës së Vitit të Ri

Dita e fundit e vitit për dit’ e nat’ gjithmonë ka qenë kohë e mirë për reflektim, mirëkuptim, dashuni dhe mbi t’gjitha arsye perfekte për festë të trentë! Si rezultat, para disa viteve e filluem nji ritual – miqtë tanë muzicientë t’cilët na nderojnë me performanca gjatë vitit fillojnë festën e qytetit -ditën- me 31 dhjetor n’ora 13.00 dhe luejnë për gjashtë orë rresht!

Këtë herë e çelim me Jazz trion të përbame prej Fatjon Miftaraj (piano), Visar Kuçi (gitare) & Enes Bajramliqi (tupana) mandej vazhdojmë me pak hip-hop prej Taste2 & Goblenët dhe e mbyllim me Nezafete Shalën me Familje.

Shihemi së shpejti & urime festa!

new year

“Fjalët e vitit të shkuem i takojnë gjuhës së tij,
Dhe fjalët e vitit që vjen presin nji za të tjetër.
Sepse çdo fund asht gjithmonë nji fillim.”

~T.S. Eliot~